Whāia ēnei kōrero:
- ki te waihanga i tētahi tātai kōrero mō tō whakahaere
- ki te whakaatu atu i tō kohinga taonga ki Kōtuia mā Ā-Tihi Aotearoa
- ki te tūhono atu ki Kōtuia kia pai ai tō tuku kōrero mai
- ki te tono āwhina i Te Paerangi
- ki te ako ki te whakahua tika i ngā kupu reo Māori.
Waihangatia mai tētahi tātai aratohu mō tō whakahaere
Ka waihangatia ngā pārongo aratohu o Kōtuia ki eHive – he pūnaha whakahaere kohinga e āhei ana koe ki te tuku i ō kōrero ki te marea. Kāore he utu mō te rēhitatanga me te waihangatanga o tētahi tātai aratohu.
Tūhono atu ki te hapori o Kōtuia ki eHive hei tāpiri mai i tō rōpū ki tō mātou tātai aratohu.
Whakahoungia ō kōrero ki eHive
Ka mutu ana te rēhita, me kuhu atu ki te whakahou i ngā kōrero mō tō whakahaere. Ka taea hoki te whakahou i ō whakaahua me te wāhitau o tō whakahaere.
Whakapā mai mō te āwhina.
Whakaatuhia tō kohinga ki Kōtuia mā Ā-Tihi Aotearoa
Ka tīkina ake ngā taonga a Kōtuia mā Ā-Tihi Aotearoa. He ratonga utu-kore tēnei.
Tāpirihia mai ngā kohinga a tō whakahaere ki Kōtuia
Anei ngā mahi kia utaina mai ō taonga ki Kōtuia:
- me rēhita hei Digital NZ Content Partner
- me whakamōhio i a mātou kei te hiahia koe ki te whakaatu mai i ō taonga ki Kōtuia
Whakapā mai mō ētahi atu whakamārama.
Tūhono mai ki Kōtuia
Kei te tiaki tō whakahaere i tētahi kohinga taonga ki Aotearoa engari kāore anō ēnei taonga kia kitea ki konei? He pōhiri tēnei ki a koutou. Whakapā mai, mā mātou koe e ārahi.
Tukuna mai ō utanga
Ko te mahi a Kōtuia, he tuitui i ngā kohinga taonga mā ngā Kete | Sets me ngā Kōrero | Stories.
He kohinga taonga te kete, he mea tuitui i runga i tētahi kaupapa, i runga i tētahi huinga tāngata, i runga i tētahi wāhi rānei. Tirohia te pūranga Kete.
Ko tā te pūranga kōrero, he pupuri i ngā kōrero, i ngā tuhinga whaiaro hoki e whakamārama ana i ngā kōrero mō te taonga i roto i tā mātou kohinga ā-motu me ngā hononga i waenga i ngā taonga rerekē. Tirohia te pūranga Kōrero.
Me he kōrero āu hei tuku mai ki Kōtuia, whakapā mai.
Me tono āwhina i Te Paerangi
E mahitahi ana a Te Paerangi ki ngā whare taonga ki ngā wharetoi me ngā iwi huri noa i Aotearoa. Ko tā mātou whāinga nui, he whakapakari ake i ngā whare taonga katoa mā ngā momo hōtaka rerekē, mā ngā whakangungutanga i te taha o ngā mātanga taonga, mā ngā papamahi ā-hiko me ngā puka ārahi e hāpai ana i ngā mahi tōtika i te rāngai taonga.
He āwhina, he tautoko hoki mā ngā whakahaere e pā ana ki ngā kohinga taonga
Me pēhea te whakahua i ngā kupu reo Māori
Me ako ki te whakahua i ngā kupu reo Māori kei te pae tukutuku o Kōtuia.